Vince Gilligan

George Vincent Gilligan Jr. (1967-yil 10-fevralda tugʻilgan) — amerikalik ssenariy muallifi va kinoijodkor. U AMC telekanalining mashhur "Breaking Bad" (2008–2013) jinoyat dramasi va uning prikveli boʻlgan "Better Call Saul" (2015–2022) seriallarining gʻoyasi muallifi, bosh ssenaristi, ijrochi prodyuseri va baʼzi qismlari rejissyori sifatida tanilgan. Shuningdek, u "Breaking Bad" davomi boʻlgan "El Camino" (2019) filmini yozgan, produserlik qilgan va unga rejissyorlik qilgan. Gilliganning boshqa ishlari qatoriga Fox telekanalining "The X-Files" (1993–2002) ilmiy-fantastik serialining ayrim epizodlarini yozish, rejissyorlik qilish va produserlik qilish, uning spin-offi boʻlgan "The Lone Gunmen" (2001) serialigamualliflik qilish, shuningdek, "Hancock" (2008) superqahramonlik filmi ssenariysini yozish kiradi. Uning koʻplab mukofotlari qatoriga toʻrtta Primetime Emmy, oltita Writers Guild of America, ikkita Critics' Choice Television, ikkita Producers Guild of America, bitta Directors Guild of America hamda bitta BAFTA Television mukofotlari kiradi.