Vasiliy Artemiev

Vasiliy Grigoryevich Artemiyev — rossiyalik professional regbichi, Moskvaning SSKA jamoasida qanot va himoya chizig'ida o'ynaydi. 2015 va 2018-yillarda Rossiyaning eng yaxshi regbichisi deb topilgan. «Match TV» va «STS» telekanallarida boshlovchilik qilgan. Vasiliy 9 yoshidan Zelenograd sport maktabida regbi bilan shug'ullana boshlagan. Maktabni tugatguniga qadar Irlandiyaga borib, Blekrok kollejini tamomlagan. Dublin universitet kollejining yuridik fakultetiga o'qishga kirib, u yerda regbi muxlisi bo'lgan dekan e'tiboriga tushadi. O'qish evaziga u regbi jamoasidan o'rin va maxsus stipendiya oladi. 2009-yilda universitetni muvaffaqiyatli tamomlab, Pro12 va Xeyneken kubogida qatnashadigan «Lester» yoshlar jamoasida o'ynagan. O'sha yili Rossiyaga qaytib, «VVA-Podmoskovye» safiga qo'shilgan. 2011-yil fevral oyida Angliyaning «Northampton Saints» klubi bilan ikki yillik shartnoma imzolagan. Jamoasi bilan Angliya chempionati g'olibi va sovrindori bo'lgan. 2014-yilda «Krasny Yar» bilan shartnoma tuzib, mavsum yakunida jamoaning eng yaxshi o'yinchisi deb topilgan. 2019-yilgi chempionatdan so'ng Moskvaning SSKA klubiga o'tgan.