Vanessa Hudgens

Vanessa Enn Xadjens (1988-yil 14-dekabrda tugʻilgan) — amerikalik aktrisa va qoʻshiqchi. 2003-yilda “Thirteen” filmida debyut qilganidan soʻng, Xadjensga asosiy shuhratni 2006–2008-yillardagi “High School Musical” film trilogiyasidagi Gabriella Montez roli olib keldi. Birinchi filmning ulkan muvaffaqiyati tufayli u Hollywood Records bilan shartnoma imzolab, “V” (2006) va “Identified” (2008) nomli ikkita studiyaviy albomini chiqardi. Albomlari va “High School Musical” franshizasidan keyin Xadjens asosan aktrisarlikka eʼtibor qaratdi. U “Bandslam” (2009), “Beastly”, “Sucker Punch” (ikkisi ham 2011), “Journey 2: The Mysterious Island”, “Spring Breakers” (ikkisi ham 2012), “Second Act” (2018), “Bad Boys for Life” (2020) hamda “Tick, Tick...Boom!” (2021) kabi filmlarda suratga tushdi. Shuningdek, Netflix’ning “The Princess Switch” (2018) va uning davomlari (2020 va 2021), “The Knight Before Christmas” (2019) filmlarida bosh rolni oʻynab, oxirgi uchtasiga prodyuserlik ham qildi. Xadjens NBC telekanalining “Powerless” (2017) serialida Emili Lok rolini gavdalantirdi. U Brodveqdagi “Gigi” (2015) musiqiy spektaklida bosh rolni ijro etdi va Fox telekanalining jonli efirdagi musiqiy loyihalarida ishtirok etdi: “Grease: Live” (2016) filmida Ristso va “Rent: Live” (2019) spektaklida Morin Jonson rollarini oʻynadi. 2022-yilda esa Manxettenda boʻlib oʻtgan Met Gala tadbiriga boshlovchilik qildi.