Biografiya
Zuhir bin Hj Saari yoki U-Wei Haji Saari nomi bilan tanilgan malayziyalik kinoijodkor. U xalqaro miqyosda o'zining "The Arsonist" (asosan malaycha "Kaki Bakar" nomi bilan mashhur) filmi orqali tanildi. Ushbu kartina 1995-yilda Kann kinofestivaliga qabul qilingan ilk Malayziya filmi bo'lgan. Dastlab televidenieda drama rejissyori sifatida faoliyat yuritgan. 1996-yilda esa katta shov-shuvlarga sabab bo'lgan "Perempuan, Isteri dan..." filmi bilan kinodagi debyutini amalga oshirib, 11-Malayziya kinofestivalida "Eng yaxshi rejissyor" mukofotini qo'lga kiritgan. U-Wei Indoneziya, Malayziya va Avstraliya hamkorligida Jozef Konradning "Almayer's Folly" romani asosida "Hanyut" (2014) nomli tarixiy filmni suratga olgan. Film XIX asr oxirida Malayya hududida mahalliy jamoa orasida yashab qolish uchun kurashgan gollandiyalik savdogar Almayer haqida hikoya qiladi. 2022-yilda u Moskva xalqaro kinofestivalining hakamlar hay'atiga hujjatli filmlar yo'nalishi bo'yicha rais etib saylandi.
