Tracy Morgan

Amerikalik aktyor, komik va yozuvchi Treysi Jamal Morgan oʻzining «Saturday Night Live» koʻrsatuvidagi sakkiz mavsumlik ishtiroki hamda NBC telekanalining «30 Rock» serialidagi Treysi Jordan roli bilan tanilgan. Morgan oʻz karyerasini «Martin» loyihasida Hustle Man rolini oʻynashdan boshlagan. 2003-yilda Kris Rokning «Head of State» filmida Morgan televizor tomosha qilib oʻtirgan va nima uchun «Martin»ni koʻrmayotganidan hayron boʻladigan kishi rolida koʻrinish bergan. Shuningdek, u 1992–1994-yillarda ikki mavsum davomida efirga uzatilgan «Uptown Comedy Club» koʻrsatuvining doimiy aktyorlaridan biri boʻlgan hamda HBO telekanalining «Snaps» loyihasida qatnashgan. 1996-yilda Morgan «SaturdayNight Live» komediya shousining jamoasiga qoʻshilib, 2003-yilgacha uning doimiy ishtirokchisi boʻlgan. Morgan 1985-yilda maktab davridagi sevgilisi Sabinaga uylangan va ularning uch nafar oʻgʻli bor. 23 yillik turmushdan soʻng, garchi ular aslida sakkiz yil oldin alohida yashay boshlagan boʻlsalar-da, Morgan 2009-yil 7-avgustda Bronks Oliy sudiga ajrashish uchun ariza bergan.