Tony Galento

Sigaret chekadigan, o‘zini pivodan, gamburgerdan va spagettidan kuch olaman deb da'vo qiladigan barmen va mushtumzo'r «Two Ton» Tony Galento og‘ir vazn toifasidagi chempionlik uchun kurashgan eng rang-barang shaxslardan biri edi. Dominic Anthony Galento nomi bilan 1910-yil 12-martda Nyu-Jersi shtatining Orens shahrida tug‘ilgan bo‘lib, u bu laqabni muz ortilgan yuk mashinasida jang bo‘ladigan arenaga to‘g‘ridan-to‘g‘ri jang boshlanishidan oldin yetib kelganidan keyin olgan. Avtoturargohda uni ko‘rib qolgan menejeri qayerda yurganini so‘raydi. «Bu yerga kelguncha yetkazib berishim kerak bo‘lgan ikki tonna muzim bor edi», deb javob beradi Galento. Shu tariqa boks tarixidagi eng qiziqarli shaxslardan biri maydonga kirib kelgandi. Qasddan bosh bilan urish, raqibining ko‘zini cho‘qish, beldan pastga zarba berish va tirsak ishlatishdan toyilmaydigan adolatsiz jangchi Galento professional boksdagi eng baquvvat sportchilardan biri bo‘lgan. Og‘ir vazn toifasidagi chempionlik unvoni uchun kurash yo‘lida Lou Nova, Al Ettore va Nathan Mannni mag‘lub etgan. U «Jigarrang bombardmanchi» deb nomlangan Joe Louisning «Oyning eng yaxshi ojiz raqibi» klubining eng mashhur a'zosi bo‘lgan. Autsayder Galento chempionlik jangining ikkinchi raundidayoq Louisni nokdaun holatiga tushirib, boks tarixida abadiy nom qoldirgan. Louisning o‘zi ham ringda duch kelgan eng qattiqqo‘l raqib aynan Galento bo‘lishi mumkinligini tan olgan.