Tony Bennett

Entoni Dominik Benedetto (1926-yil 3-avgust – 2023-yil 21-iyul), ijodiy nomi Toni Bennett bo‘lgan mashhur amerikalik estrada, jazz va standart janridagi qo‘shiqchi. Nyu-Yorkda ulg‘aygan Bennett yoshligidan qo‘shiq kuylay boshlagan. Ikkinchi jahon urushining so‘nggi bosqichlarida AQSh armiyasi safida piyoda askar sifatida Yevropadagi jangovar harakatlarda qatnashgan. Urushdan keyin xonandalik mahoratini oshirib, Columbia Records bilan shartnoma imzolagan. 1951-yilda uning "Because of You" qo‘shig‘i xit-paradlarda birinchi o‘rinni egalladi. 1950-yillarning boshlarida "Rags to Riches" kabi bir qator mashhur kompozitsiyalari bilan shuhrat qozondi. Keyinchalik jazz yo‘nalishida ham ijod qilib, 1950-yillarning oxirida "The Beat of My Heart" va "Basie Swings, Bennett Sings" albomlari bilan ijodiy cho‘qqiga chiqdi. 1962-yilda uning tashrif qog‘oziga aylangan "I Left My Heart in San Francisco" qo‘shig‘ini yozdi. Rok musiqasi rivojlangan davrda ijodida biroz tanaffus yuz berdi. 1980 va 90-yillarda muvaffaqiyatli qaytish qilib, musiqiy uslubini saqlab qolgan holda MTV avlodi orasida ham mashhurlikka erishdi. 2000-yillarda ham faol ijod qildi. Faoliyati davomida 15 ta "Grammy", 2 ta "Emmi" mukofotini qo‘lga kiritgan, "NEA Jazz Master" unvoni va Kennedi markazi mukofoti bilan taqdirlangan. Dunyo bo‘ylab 50 milliondan ortiq albomi sotilgan. Shuningdek, Benedetto taxallusi ostida tasviriy san'at bilan ham shug‘ullangan.