Timothy Spall

Timothy Leonard Spall (1957 yil 27 fevralda tug'ilgan) — ingliz aktyori va boshlovchisi. U Buyuk Britaniyada 1983 yilda efirga uzatilgan ITV'ning "Auf Wiedersehen, Pet" komediyali drama serialidagi Barri Spenser Teylor roli bilan mashhurlikka erishgan. Spall "Secrets & Lies" (1996) filmidagi roli uchun BAFTA mukofotining "Bosh roldagi eng yaxshi aktyor" nominatsiyasiga loyiq topilgan. Shundan so'ng u "Hamlet" (1996), "Still Crazy" (1998), "Nicholas Nickleby" (2002), "The Last Samurai" (2003), "Enchanted" (2007), "Sweeney Todd: The Demon Barber of Fleet Street" (2007), "The Damned United" (2009), "The King's Speech" (2010), "Ginger and Rosa" (2012), "Denial" (2016) va "The Party" (2017) kabi ko'plab filmlarda suratga tushgan. Shuningdek, u "Chicken Run" (2000) animatsion filmidagi kinoyali, badjahl kalamush Nikka ovoz bergan hamda "Harry Potter" filmlarining beshtasida (Azkaban mahbusi (2004) dan to O'lim tuhfalari: 1-qism (2010) gacha) Piter Pettiqru rolini o'ynagan. Spall rejissyor Mayk Li bilan yaqindan hamkorlik qilib, oltita filmda suratga tushgan: "Home Sweet Home" (1982), "Life is Sweet" (1990), "Secrets & Lies" (1996), "Topsy-Turvy" (1999), "All or Nothing" (2002) va "Mr. Turner" (2014). U oxirgi filmda rassom J. M. W. Ternerni mahorat bilan gavdalantirib, 2014 yilgi Kann kinofestivalining "Eng yaxshi aktyor" mukofotini qo'lga kiritgan va katta e'tirofga sazovor bo'lgan. U "Timothy Spall: ...at Sea" (2010–2012) hujjatli teleserialida suratga tushgan, 2019 yilda esa BBC'ning "Summer of Rockets" 6 qismli Sovuq urush dramasida lord Artur Uallington rolini ijro etgan.