Thomas Brodie-Sangster

Thomas Brodie-Sangster (1990-yil 16-mayda tugʻilgan) — ingliz aktyori. U "Love Actually" (2003) filmidagi Sem, "Nanny McPhee" (2005) filmidagi Saymon, "Phineas and Ferb" (2007–2015) animatsion serialidagi Ferb, "Game of Thrones" (2013–2014) serialidagi Joyen Rid, "Maze Runner" (2014–2018) filmlar seriyasidagi Nyut hamda Netflix'ning "The Queen's Gambit" (2020) mini-serialidagi Benni Uotts rollari bilan tanilgan. Oxirgi roli uchun u "Emmi" mukofotining "Mini-serial yoki filmdagi eng yaxshi ikkinchi plandagi aktyor" nominatsiyasiga loyiq koʻrilgan. Shuningdek, u tanqidchilar eʼtirofiga sazovor boʻlgan "Death of a Superhero" (2011), "Bright Star" (2009) kabi filmlarda va "Nowhere Boy" (2009) kartinasida Pol Makkartni rolini oʻynab mashhurlikka erishgan. "Accused" (2010–2012) serialida Jeyk Myurrey rolini gavdalantirgan. Bundan tashqari, u "Star Wars: The Force Awakens" (2015) filmida Birinchi Orden zobiti sifatida epizodda koʻrinish bergan, Netflix'ning "Godless" (2017) mini-serialida Uayti Uinn rolini ijro etgan hamda "Thunderbirds Are Go" (2015–2020) loyihasida Jon Treysiga ovoz bergan.