Theo Rossi

Theo Rossi (asl ismi Jon Teodor Rossi; 1975-yil 4-iyun, Staten-Aylend, Nyu-York) — amerikalik aktyor. U asosan FX telekanalining "Sons of Anarchy" serialidagi Xuan Karlos "Juice" Ortiz roli bilan tanilgan. Rossi 1994–1998-yillarda Olbani shahridagi Nyu-York shtat universitetida o'qigan, shundan so'ng McDonald's, Nissan va Bud Light reklamalarida suratga tusha boshlagan. 2001-yildan beri Rossi "Veronica Mars", "Bones", "Boston Public", "American Dreams", "Heist", "Las Vegas" va "Grey's Anatomy" kabi ko'plab seriallarda epizod rollarni ijro etgan. 2008-yilda unga "Sons of Anarchy" serialida "Juice" Ortiz rolini o'ynash taklif etildi va bu uning hozirgi kundagi eng mashhur roliga aylandi. Tomoshabinlarning iliq munosabati tufayli ikkinchi mavsumdan boshlab Rossi serialning asosiy aktyorlari tarkibiga kiritildi. Kinoda u Meri-Keyt va Eshli Olsen bilan birga "The Challenge" hamda "Code Breakers" filmlarida bosh rollarni o'ynagan, shuningdek, "Cloverfield" filmida kichik epizodda ko'rinish bergan. U yaqinda namoyish etiladigan "Kill Theory", "The Informers" va "Fencewalker" filmlarida ham suratga tushgan.