Abel Tesfaye

Abel Makkonen Tesfaye (1990-yil 16-fevral) — The Weeknd nomi bilan tanilgan kanadalik xonanda, qo‘shiqnavis va musiqiy prodyuser. U o‘ziga xos ijodi va falsetda kuylashi bilan mashhur. 4 ta Grammy, 20 ta Billboard Music, 22 ta Juno, 6 ta American Music va 2 ta MTV Video Music mukofotlari sohibi, shuningdek, Oskar va Emmi mukofotlariga nomzod bo‘lgan. Uning "Beauty Behind the Madness" (2015), "Starboy" (2016), "After Hours" (2020) va "Dawn FM" (2022) kabi albomlari tijoriy muvaffaqiyat qozongan. Tesfaye kino ixlosmandi bo‘lib, o‘zining klip va tizerlarida ko‘plab filmlarga ishora qiladi.