Tessa Thompson

Tessa Lynne Thompson (1983-yil, 3-oktabrda tug‘ilgan) — amerikalik aktrisa. U ham blokbaster, ham mustaqil filmlardagi rollari bilan tanilgan. Faoliyatini "Los Angeles Women's Shakespeare Company"da boshlagan. Kino olamidagi debyutini 2006-yilda "When a Stranger Calls" filmida nishonlagan. "Dear White People" va Ava DuVerneyning "Selma" (2014) tarixiy dramasidagi rollari bilan e’tirof etilgan. Katta shuhratni "Creed" sport dramalari turkumidagi Byanka Teylor roli va "Marvel" kinematografiya koinotidagi Valkiriya obrazi orqali qozongan. Shuningdek, "Men in Black: International", "Sorry to Bother You" va "Passing" (2021) filmlarida suratga tushgan. "Passing" filmi uchun BAFTA mukofotiga nomzod bo‘lgan.