Tawny Kitaen

Julie Ellen "Tawny" Kitaen (1961 yil 5 avgust — 2021 yil 7 may) — amerikalik aktrisa, model va media yulduzi. U o'z faoliyatini televizion aktrisa sifatida boshlab, "Malibu" (1983) va "California Girls" (1985) kabi telefilmlarda suratga tushgan. Shuningdek, u "The Perils of Gwendoline in the Land of the Yik-Yak" va "Bachelor Party" (ikkisi ham 1984 yil) komediyalarida hamda "Witchboard" (1986) qo'rqinchli filmida bosh rollarni ijro etgan. Kitaen o'sha davrdagi ko'plab xevi-metal qo'shiqlari uchun ishlangan klipardagi chiqishlari, jumladan, Ratt guruhining "Back for More" (1984) hamda Whitesnake guruhining "Still of the Night", "Is This Love" va "Here I Go Again" (barchasi 1987 yil) videokliplari orqali keng tanildi. 2000-yillarda Kitaen realiti-shoularga o'tib, "The Surreal Life" (2006) va doktor Dru bilan "Celebrity Rehab" (2008) kabi loyihalarda qatnashdi, ularning oxirgisi aktrisaning giyohvandlik bilan bog'liq muammolarini yoritib bergandi.