Tan Songyun

Tan Song Yun yoki Seven — Xitoyning Sichuan provinsiyasi Luzhou shahrida tugʻilgan mukofotlarga sazovor boʻlgan aktrisa, xonanda va model. Pekin kino akademiyasining bitiruvchisi. U aktrisalik faoliyatini 2005-yilda "Wild Chrysanthemum" (山菊花) teleserialida suratga tushishdan boshlagan. Biroq tomoshabinlar uni ilk bor 2005-yilda efirga uzatilgan "Live Your Days Peacefully" (好好过日子) seriali orqali tanishgan. 2016-yilda "The Whirlwind Girl" (旋风少女) serialidagi ijrosidan soʻng, Song Yun 22-Huading mukofotlari marosimida "Eng yaxshi yangi aktrisa" sovrinini qoʻlga kiritdi. Keyinchalik "Under the Power" (锦衣之下) dagi roli uchun oʻzining ikkinchi Huading mukofoti — "Eng yaxshi aktrisa" unvoniga sazovor boʻldi. 2017-yilda esa "The Fox's Summer" (狐狸的夏天) serialidagi ishi uchun Osiyo 2-yangi media kinofestivalida va 2-Golden Gudeo Media mukofotlari topshirish marosimida veb-serialdagi eng yaxshi aktrisa deb topildi.