Tamannaah Bhatia

Tamannaah Bhatia (shuningdek, Tamannaah nomi bilan ham tanilgan) — asosan telugu va tamil tillaridagi filmlarda suratga tushadigan hind aktrisasi. Shuningdek, u hind tilidagi (Bollywood) kinolarda ham ijod qilgan, sahna koʻrinishlarida qatnashadi va mashhur brendlarning elchisi hisoblanadi. U 2005-yilda, 15 yoshida Bollivudning "Chand Sa Roshan Chehra" filmi hamda Abhijeet Sawantning "Aapka Abhijeet" albomidagi "Lafzon main" qoʻshigʻi klipida debyut qilgan. Oʻsha yili u telugu tilidagi "Sri" hamda keyingi yili tamil tilidagi ilk "Kedi" filmida rol oʻynagan. 2007-yilda telugu tilidagi "Happy Days" va tamil tilidagi "Kalloori" kollej hayotiga bagʻishlangan dramalarida bosh rolni ijro etgan. Uning keyingi yillardagi loyihalari qatoriga tamil filmlari "Ayan" (2009), "Paiyaa" (2010), "Sura" (2010), "Siruthai" (2011), "Veeram" (2014) hamda telugu filmlari "100% Love" (2011), "Racha" (2012), "Thadaka" (2013), "Baahubali: The Beginning" (2015), "Bengal Tiger" (2015) va "Oopiri" (2016) kiradi. Shu tariqa u Janubiy Hindiston kinosining yetakchi aktrisalaridan biriga aylandi. Tamannaah Ajith Kumar, Vijay, Surya, Karthi, Dhanush, Mahesh Babu, Prabhas, Akshay Kumar kabi taniqli aktyorlar bilan birga suratga tushgan. U Janubiy Hindiston kinosidagi eng koʻp haq oladigan aktrisalardan biridir.