Talal Derki

Talal Derki — rejissyor, prodyuser va ssenarist. 1977-yil 24-iyulda Suriyaning Damashq shahrida kurd oilasida tug'ilgan. Afinadagi Stavrako kinematografiya va televideniye oliy institutida kino rejissyorligi bo'yicha o'qib, 2003-yilda tamomlagan. 2009–2012-yillarda to'lametrajli filmlarda rejissyor yordamchisi bo'lib ishlagan, shuningdek, arab telekanallari uchun turli ko'rsatuvlar va telefilmlar suratga olgan. CNN va Thomson Reuters agentliklarida mustaqil operator sifatida faoliyat yuritgan. Uning qisqa metrajli va hujjatli filmlari ko'plab festival mukofotlariga sazovor bo'lgan. Xususan, uning «RETURN TO HOMS» nomli to'lametrajli hujjatli filmi Sandens kinofestivalining Jahon kinosi bosh hakamlar hay'atining bosh mukofotini qo'lga kiritgan. 2014-yilda IDFA xalqaro hakamlar hay'ati a'zosi bo'lgan. Hozirda Germaniyaning Berlin shahrida yashaydi.