Takeshi Kitano

Takeshi Kitano (1947-yil 18-yanvarda tug'ilgan) — yaponiyalik komik, aktyor va kinorejissor. Yaponiyada "Beat Takeshi" nomi bilan tanilgan ijodkor vatanida asosan komik va teleboshlovchi sifatida mashhur bo'lsa, xalqaro miqyosda kino ijodkorligi va aktyorlik mahorati bilan tanilgan. Faoliyatini 1970-yillarda "Two Beat" komediya dueti tarkibida boshlagan Kitano keyinchalik mamlakatning eng mashhur uchta komiklaridan biriga aylandi. 1989-yilda "Violent Cop" filmi bilan rejissorlik debyutini qilgan. 1997-yilda "Hana-bi" filmi uchun "Oltin sher" mukofotini qo'lga kiritgach, Yaponiyada ham rejissor sifatida e'tirof etildi. U shuningdek, "Takeshi's Castle" (1986–1990) ko'rsatuvi va "Battle Royale" (2000) filmidagi rollari bilan mashhur.