Taika Waititi

Taika David Cohen (1975-yil 16-avgustda tug‘ilgan), professional ravishda Taika Waititi nomi bilan tanilgan — yangi zelandiyalik kinorejissyor, ssenariynavis va aktyor. "Oskar", "BAFTA" va "Grammy" mukofotlari sohibi. "Boy" (2010) va "Hunt for the Wilderpeople" (2016) filmlari Yangi Zelandiya tarixidagi eng kassabop filmlar hisoblanadi. 2003-yilda "Two Cars, One Night" qisqa metrajli filmi uchun "Oskar"ga nomzod bo‘lgan. "What We Do in the Shadows" (2014) filmining rejissyori va yulduzlaridan biri. Shuningdek, "Thor: Ragnarok", "Thor: Love and Thunder" hamda "Jojo Rabbit" filmlari bilan jahonga mashhur bo‘ldi. "Jojo Rabbit" filmi uchun "Eng yaxshi ssenariy" nominatsiyasida "Oskar"ni qo‘lga kiritgan.