Taeyeon

Kim Tae-yeon (1989-yil, 9-martda tug'ilgan) — janubiy koreyalik qo'shiqchi, aktrisa va Girls' Generation guruhining a'zosi. Bolaligidanoq o'zining yagona va eng kuchli iste'dodi qo'shiqchilik ekanligiga ishongan Taeyeon, maktab davrida S.M. Entertainment studiyasiga qarashli o'quv markazida vokal saboqlarini ola boshlagan. 2004-yilda o'tkazilgan tanlovda g'olib chiqqach, u S.M. kompaniyasi bilan shartnoma imzolaydi. Uzoq davom etgan murakkab mashg'ulotlardan so'ng, 2007-yilda Girls' Generation guruhi tarkibida sahnaga chiqdi. 2009-yilda chiqarilgan "Gee" qo'shig'i guruhga nafaqat Janubiy Koreyada, balki Yaponiya va AQShda ham katta shuhrat keltirdi. Guruhning eng ko'zga ko'ringan a'zosi sifatida Taeyeon televizion ko'rsatuvlarda yakkaxon chiqish qila boshladi. 2012-yilda u Tiffany va Seohyun bilan birgalikda TTS guruhini, 2014-yilda esa S.M. the Ballad vokal guruhini tashkil etdi. 2015-yilda xonanda "I" nomli yakkaxon albomi bilan yakka ijodini boshladi. 2017-yilda esa uning uzoq kutilgan "My Voice" albomi va "This Christmas" bayramona to'plami taqdim etildi.