Tất Bình

Tất Bình (toʻliq ismi Đặng Tất Bình, 1949-yil 16-avgustda Xanoyda tugʻilgan) — vyetnamlik aktyor va rejissyor, 1-badiiy filmlar studiyasining sobiq direktori. Kinodagi faoliyatidan oldin u teatr aktyori va ovoz aktyori boʻlib ishlagan. Tất Bình "Oxirgi umid" (Hy vọng cuối cùng, rejissor Trần Phương, 1981) filmidagi tergovchi Phương roli orqali tanila boshlagan. Keyinchalik u Trần Phương bilan hamkorlikda "Unutilgan oʻtmishni qidiruvchi" (Người đi tìm dĩ vãng, 1992) filmini suratga oldi, shuningdek, "Hayot daftarchasi" (Cuốn sổ ghi đời, 1994) nomli teleserialga rejissyorlik qildi. 1998-yilda u Vyetnam va Rossiya hamkorligida yaratilgan hamda oʻz yurtidan yiroqda yashab mehnat qilayotgan insonlarga bagʻishlangan ilk vyetnam filmi boʻlgan "Musofir yurtda oy" (Trăng trên đất khách) kartinasini yaratdi. 2002 yilda Tất Bìnhning "Parda ortidagi tarsaki" (Cái tát sau cánh gà) filmi chiqdi va u 47-Osiyo-Tinch okeani kinofestivaliga taqdim etilgan ikkita Vyetnam filmidan biriga aylandi. U shundan keyin ham aktyorlik va rejissyorlik faoliyatini davom ettirmoqda.