Sunidhi Chauhan

Sunidhi Chauhan — hindistonlik ijrochi xonanda. U 4 yoshidan mahalliy tadbirlarda qo‘shiq ayta boshlagan va 12 yoshida “Shastra” (1996) filmidagi roli bilan debyut qilgan. O‘sha yili u “Meri Awaz Suno” nomli qo‘shiqchilik tanlovida g‘olib bo‘lgan, “Mast” (1999) filmi uchun yozilgan “Ruki Ruki Si Zindagi” qo‘shig‘i bilan esa katta shuhrat qozongan. Mazkur ijrosi uchun u Filmfare RD Burman mukofotiga sazovor bo‘lgan va “Eng yaxshi ayol ijrochi xonanda” nominatsiyasida nomzodlar qatoridan joy olgan. Chauhan televizion shoularda hakamlik qilishdan tashqari, musiqa videolarida ham suratga tushadi. Musiqiy faoliyatidan tashqari, u turli xayriya va ijtimoiy tashabbuslarda faol ishtirok etadi. U to‘rt marta Forbes jurnalining Hindistondagi 100 ta eng nufuzli shaxs ro‘yxatiga (2012–2015) kiritilgan.