Sukumar

Sukumar — telugu kinosida ijod qiluvchi hind rejissyori, prodyuser va ssenariychi. Kinodagi faoliyatini boshlashdan avval olti yil davomida matematika va fizika o'qituvchisi bo'lib ishlagan. Ssenariychilikni boshlab, Mohan va V. V. Vinayak kabi rejissyorlarga yordamchi bo'lgan. 2004-yilda «Aarya» filmi bilan rejissyor sifatida debyut qilgan. Filmning katta muvaffaqiyati uni Allu Arjun va bastakor Devi Shri Prasad bilan samarali hamkorlikka olib keldi. Bu ish uchun Filmfare va Nandi mukofotlariga sazovor bo'lgan. «Aarya 2», «100% Love», «1: Nenokkadine», «Rangasthalam» va «Pushpa» turkumidagi filmlari mashhur. U o'ziga xos murakkab va ko'p qatlamli ssenariylari bilan «aqlli ssenariychi» deb baholanadi. 2015-yilda o'zining «Sukumar Writings» studiyasi orqali prodyuserlik faoliyatini «Kumari 21F» filmi bilan boshlagan.