Stig Ossian Ericson

Stig Ossian Ericson (1923-yil 7-sentabr — 2012-yil 30-iyul) — shved aktyori, rejissyor va ssenariynavis. Ericson 1923-yilda Xernösand shahrida tug'ilgan, ammo Nyuchopingda ulg'aygan. Uppsala universitetini tamomlab, o'qish davrida Södermanlands-Nerikes nation doirasidagi turli teatr sahna ko'rinishlarida qatnashgan. Faoliyatini dastlab matematika o'qituvchisi sifatida boshlagan. 1960-yillarning boshlarida Stokgolmdagi Casino teatrining „Snudd“ revyusida qatnashib, teatr olamiga kirib kelgan. Keyinchalik Hans Alfredson, Tage Danielsson, Bo Widerberg va Beppe Volgers bilan hamkorlik qilgan. U keng jamoatchilikka shvedlarning mashhur „Göta kanal eller Vem drog ur proppen?“ komediyasidagi Sigurd, Astrid Lindgremning „Karlsson på taket“ asaridagi Kichkintoyning otasi rollari orqali hamda 1990-yillarda Fransiyaning „Fort Boyard“ teletuynugining shvedcha versiyasi bo'lgan „Fångarna på fortet“ ko'rsatuvida Father Fouras roli bilan tanilgan. Ericson 2012-yilda 88 yoshida Stokgolmning sharqidagi Nakka shahrida vafot etgan.