Steve Pemberton

Steve Pemberton — BAFTA mukofoti sovrindori, britaniyalik aktyor va ssenariynavis. 1989-yilda Yorkshirdagi Bretton Xoll institutini teatr san'ati yo'nalishi bo'yicha tamomlagan. Faoliyatining ilk yillarida Londondagi teatr loyihalarida qatnashgan va «International Film Guide» nashrida yordamchi muharrir bo'lib ishlagan. 1996-yilda Mark Gatiss, Ris Shiarsmit va Jeremi Dayson bilan birga «The League of Gentlemen» komediya shousini yaratgan va bir yil o'tib «Perrier» mukofotini qo'lga kiritgan. 2009-yilda «Psychoville» qora komediyasini yozgan va bosh rolni ijro etgan. 2014-yildan beri davom etayotgan «Inside No 9» antologik shousi uchun 2019-yilda «Eng yaxshi erkak komediya ijrosi» yo'nalishida BAFTA mukofotiga sazovor bo'lgan.