Stephen Moyer

Stiven Moyer asosan "True Blood" serialidagi Bill Kompton roli bilan tanilgan. Shuningdek, u BBC telekanalining "Ny-Lon" (2004) serialida Rashida Jons bilan birga Maykl rolini ijro etgan. Stiven teatr sahnasida ham faol bo'lib, Young Vic teatrining "The Iron Man" hamda Oxford Stage bilan hamkorlikdagi "Romeo and Juliet" spektakllarida rol o'ynagan. Televideniyadagi debyutini 1993-yilda Britaniyaning "Conjugal Rites" sitkomida boshlagan Moyer shundan keyin britan filmlari va seriallarida ko'plab rollar ijro etgan. 1997-yilda u "Prince Valiant" filmida bosh qahramon rolini o'ynab, o'zining katta karyerasiga tamal toshini qo'ygan. U Buyuk Britaniya va Hollywoodning mashhur aktyorlari bilan birga ishlash baxtiga muyassar bo'lgan. Ular qatoriga Kira Naytli ("Princess of Thieves", 2001), Jeffri Rush va Keyt Uinslet ("Quills", 2000), Debra Messing ("The Starter Wife", 2007) hamda Al Pachino ("88 Minutes", 2007) kiradi. 2008-yilda Stiven Charleyn Xarrisning janubiy vampirlar haqidagi kitoblar seriyasi asosida Alan Boll tomonidan suratga olingan "True Blood" loyihasida Anna Pakuin bilan bosh rolni ijro etish uchun tasdiqlangan.