Stephanie Vaquer

Ana Stephanie Vaquer González (1993-yil 19-martda tug‘ilgan) — chiliylik professional o‘yinchi (reslingchi). U asosan WWE’dagi faoliyati bilan tanilgan bo‘lib, u yerda ikki karra Ayollar o‘rtasida jahon chempioni, bir karra NXT ayollar chempioni va bir karra NXT ayollar shimoliy amerika chempioni unvonlarini qo‘lga kiritgan. Shuningdek, u 2025-yilgi WWE Women's Crown Jewel chempioni hisoblanadi. Vaquer Meksikaning Consejo Mundial de Lucha Libre (CMLL) promushenidagi faoliyati bilan mashhur bo‘lgan. U yerda sobiq CMLL ayollar o‘rtasidagi jahon chempioni hamda Zeuxis bilan birgalikda CMLL ayollar o‘rtasidagi jamoaviy chempion unvonlarini qo‘lga kiritgan. U CMLL tarixida ikkala titulga bir vaqtning o‘zida egalik qilgan ilk luchadora bo‘lib, bu maqomini 2024-yil iyulida mazkur promushendan ketguniga qadar saqlab qolgan. U shuningdek, CMLL bilan hamkorlik qiluvchi Amerikalik All Elite Wrestling (AEW) va Britaniyaning Revolution Pro Wrestling (RPW) promushenlarida ham ringga chiqqan. Bundan tashqari, u World Wonder Ring Stardom, Ice Ribbon, Tokyo Joshi Pro-Wrestling va New Japan Pro-Wrestling (NJPW) kabi yirik yapon promushenlarida ham muvaffaqiyatli qatnashgan, xususan, NJPW’da sobiq NJPW Strong ayollar chempioni unvoniga ega.