Stacy Keach

Uolter Steysi Kich Kichik (1941-yil 2-iyunda tug'ilgan) — 1960-yillardan buyon teatr, kino va televideniyeda faoliyat yuritib kelayotgan amerikalik aktyor. Kich dastlab Brodveydan tashqari sahna ko'rinishlarida tanilgan va butun faoliyati davomida Amerika teatrining, xususan, Shekspir asarlari ijrochisi sifatida taniqli arbob bo'lib qolgan. U bir nechta teatr mukofotlari, jumladan, to'rtta Drama Desk mukofoti, ikkita Helen Hayes mukofoti va ikki marta Obie mukofotiga sazovor bo'lgan. Artur Kopitning 1969-yilgi «Indians» spektaklidagi roli uchun Toni mukofotining «Pyesadagi eng yaxshi aktyor» nominatsiyasiga da'vogar bo'lgan. Kinoda u Jon Xyustonning «Fat City» (1972) filmidagi omadsiz bokser roli uchun tanqidchilar olqishiga sazovor bo'lgan, shuningdek, Cheech va Chongning «Up in Smoke» (1978) hamda «Nice Dreams» (1981) filmarida serjant Stedenko rolini o'ynagan. Uning boshqa diqqatga sazovor filmlari qatoriga «Brewster McCloud» (1970), «Doc» (1971), «The Life and Times of Judge Roy Bean» (1972), «The New Centurions» (1972), «Luther» (1974), «Slave of the Cannibal God» (1978), «The Ninth Configuration» (1980), «The Long Riders» (1980), «Roadgames» (1981), «Batman: Mask of the Phantasm» (1993), «Escape from L.A.» (1996), «American History X» (1998), «The Bourne Legacy» (2012) va «Nebraska» (2013) kiradi. Kich telezatlariga «Mickey Spillane's Mike Hammer» (1984–1987) teleseriali va telefilmlaridagi xususiy detektiv Mayk Xemmer roli (buning uchun u “Oltin globus” mukofotiga nomzod bo'lgan), «Titus» (2000–2002) sitkomidagi Ken Titus va boshqa rollari orqali yaxshi tanish.