Sophie Marceau

Sofi Marso (asl ismi Sofi Danyel Silvi Mopu, 1966-yil 17-noyabrda tugʻilgan) — fransuz aktrisasi. Oʻsmirlik chogʻida debyut qilgan «La Boum» (1980) va «La Boum 2» (1982) filmlari orqali mashhurlikka erishgan va «Eng istiqbolli aktrisa» uchun Sezar mukofoti bilan taqdirlangan. U «L'Étudiante» (1988), «Fanfan» (1993) kabi muvaffaqiyatli kartinalar ortidan Yevropada kino yulduziga aylandi. U «Braveheart» (1995), «Anna Karenina» (1997) hamda Jeyms Bond haqidagi «The World Is Not Enough» (1999) filmidagi Elektra King roli orqali xalqaro miqyosda shuhrat qozondi. Marso dunyo boʻylab 300 dan ortiq jurnal muqovalarida suratga chiqqan va koʻplab hashamatli brendlarning yuziga aylangan.