Sonny Landham

William Marion "Sonny" Landham (1941-yil 11-fevral — 2017-yil 17-avgust) — amerikalik kinoaktyor, kaskadyor va siyosatchi. Predator (Yirtqich) filmidagi kuzatuvchi Billy Sole roli bilan tanilgan. Aktyorlik faoliyatining boshida Landham kattalar filmlarida suratga tushgan. Keyinchalik asosiy oqimdagi aktyorga aylanib, Hollywoodning The Warriors, Predator, 48 Hrs., Lock Up va Action Jackson kabi mashhur filmlarida rol o‘ynagan. 2003 yilda Landham Predator'dagi hamkasblari — Minnesota gubernatori Jesse Ventura va Kaliforniya gubernatori Arnold Schwarzenegger'ning muvaffaqiyatini takrorlash umidida Kentukki gubernatori lavozimi uchun Respublika partiyasidan boshlang‘ich saylovlarga qatnashgan. U o‘z nomzodini Kentukki oilaviy sudini qo‘llab-quvvatlovchi tuzatishga qarshilik ko‘rsatishga asoslagan va oilaviy suddagi shaxsiy yomon tajribalari bu tizim oilalar yoki bolalar uchun emas, balki advokatlar manfaatiga xizmat qilishiga ishontirganini aytgan. Biroq u partiya nomzodini qo‘lga kirata olmagan. Mustaqil nomzod sifatida qisqa muddat kurash olib borgan bo‘lsa-da, 2003-yil 18-iyunda o‘z nomzodini qaytarib olib, respublikachilarni qo‘llab-quvvatlagan.