Song Weilong

Sun Vaylun (1999-yil 25-martda Xitoyning Lyaonin provinsiyasi Dalya shahrida tugʻilgan) — xitoylik isteʼdodli aktyor va model. U Jet Lining “Shaolinning yangi afsonasi” filmidan ilhomlanib, toʻqqiz yoshida jang sanʼatlariga qiziqa boshlagan. Bu ishtiyoq uni ushbu yoʻnalishda shugʻullanishga undagan va keyinchalik Shaolin Tagou jang sanʼatlari maktabiga oʻqishga kirgan. Sun oʻzining aktyorlik faoliyatini 2015 yilda Yu Zheng Studio bilan shartnoma imzolashdan boshlagan. U Yuan Song rolini ijro etgan “Find Yourself” (2020) va Ling Syao obrazini gavdalantirgan “Go Ahead” (2020) kabi mashhur dramalar orqali tanilgan. Ushbu seriallardagi ijrosi unga keng shuhrat va koʻplab muxlislar olib keldi. Aktyorlikdan tashqari, Sun model sifatida ham faoliyat yuritib, turli brendlar bilan hamkorlik qilgan. Shuningdek, u 2019-yilda Forbes China’ning “30 Under 30 Asia” roʻyxatiga kiritilgan.