Sofia Boutella

Sofiya Butella (1982-yil 3-aprelda tugʻilgan) — jazoirlik raqqosa, model va aktrisa. U asosan hip-hop va koʻcha raqslari, shuningdek, Nike Women reklama kampaniyalari orqali tanilgan. Butella “Kingsman: The Secret Service” (2015) filmida Gazel, “Star Trek Beyond” (2016) filmida Jeyla hamda Universal studiyasining “The Mummy” filmida malika Ahmanet rollarini ijro etgan. Shuningdek, 2017-yilda Charliz Teron bilan birgalikda “The Coldest City” grafik romani asosida suratga olingan “Atomic Blonde” filmida frantsuz maxfiy agenti Delfin Lassal rolini oʻynagan. Sofiya Butella Jazoirning Bab El Oued tumanida meʼmor ona va jazz bastakori Safy Butella oilasida tugʻilgan. Uning akasi Seif shou-biznesda vizual effektlar rassomi boʻlib ishlaydi. Familiyasi “togʻ odamlari” degan maʼnoni anglatadi. U sanʼat va ijod erkinligi muhitida ulgʻaygan. 1992-yilda Jazoir fuqarolar urushi davrida 10 yoshli Sofiya oilasi bilan birga Fransiyaga koʻchib oʻtadi. Koʻp oʻtmay badiiy gimnastika bilan shugʻullanib, 18 yoshida Fransiya milliy terma jamoasi safiga qoʻshilgan.