Sheryl Sheinafia

Sheryl Sheinafia Tjokro (1996-yil 4-dekabrda Jakartada tug‘ilgan) — indoneziyalik qo‘shiqchi, qo‘shiq muallifi, aktrisa, model va boshlovchi. U 2013-yilda taqdim etilgan o‘zining debyut albomi ortidan shuhrat qozondi. 2017-yilda "II" deb nomlangan ikkinchi albomini, 2021-yilda esa uchinchi albomi — "Jennovine"ni chiqardi. Musiqiy faoliyatidan tashqari, Sheryl aktrisalikda ham o‘zini sinab ko‘rdi. U rejissyor Raditya Dika tomonidan suratga olingan "Marmut Merah Jambu" (2014) filmida epizod rol ijro etib, kino olamidagi debyutini qildi. Ilk bosh rolini esa "Koala Kumal" (2016) komediyasida Andrea obrazi orqali ijro etdi. Shuningdek, u "Galih & Ratna" (2017), "Bebas" (2019), "Wedding Proposal" (2021) hamda "Tumbang Kanjeng Iblis" (2022) kabi filmlarda suratga tushgan. Televideniyeda Sheryl 2014-yildan boshlab NET TV telekanalidagi "Breakout" musiqa ko‘rsatuviga boshlovchilik qila boshladi, bu esa uning mashhurligini yana-da oshirdi. U boshqa san'atkorlar bilan hamkorligi bilan ham tanilgan, jumladan Ariel NOAH bilan kuylangan "Kutunggu Kau Putus" hamda Vidi Aldiano va Jevin Julian bilan birgalikdagi "I Don't Mind" qo‘shiq shular jumlasidandandir. Sheryl ijodi uchun bir nechta Anugerah Musik Indonesia mukofotlarini qo‘lga kiritgan. O‘zining iste'dodi va mehnatsevarligi tufayli Sheryl Sheinafia Indoneziya shou-biznesining eng istiqbolli yosh yulduzlaridan biri sifatida rivojlanishda davom etmoqda.