Sherry Lansing

Sherry Lansing (tug'ilgan vaqti Sherry Lee Duhl; 1944-yil, 31-iyul) — amerikalik sobiq kino studiya rahbari. Faoliyatini yakunlashdan avval Paramount Pictures kompaniyasining bosh ijrochi direktori va 20th Century Fox studiyasining ishlab chiqarish bo'yicha prezidenti bo'lgan. Universal Music Group direktorlar kengashi raisi lavozimida ishlagan. 1999–2022-yillarda Kaliforniya universiteti Vasiylik kengashi a'zosi bo'lgan. 2005-yilda Grauman's Chinese teatrida qo'l va oyoq izlarini qoldirgan birinchi ayol kino studiya rahbari bo'ldi. 2001-yilda Ladies' Home Journal jurnali tomonidan AQShdagi eng nufuzli 30 ayol ro'yxatiga kiritilgan, The Hollywood Reporter esa uni ko'p marotaba "Power 100" ro'yxatining birinchi pog'onasiga loyiq ko'rgan.