Shelley Duvall

Shelley Alexis Duvall (1949-yil 7-iyul — 2024-yil 11-iyul) — o'ziga xos, ko'pincha g'ayrioddiy qahramon obrazlari bilan tanilgan amerikalik aktrisa. U Kann kinofestivali mukofoti va Peabody mukofoti sovrindori bo'lgan, shuningdek, BAFTA hamda ikkita Primetime Emmy mukofotlariga nomzod etib ko'rsatilgan. Teksasda tug'ilgan Duvall rejissyor Robert Altman e'tiborini tushib qolgach, aktrisalik faoliyatini boshlaydi. Altman uning quvnoq tabiatidan ta'sirlanib, uni "Brewster McCloud" (1970) qora komediyasiga taklif qiladi. Aktrisalikka unchalik havas qilmaganiga qaramay, u Altman bilan hamkorlikni davom ettiradi va "McCabe & Mrs. Miller" (1971) hamda "Thieves Like Us" (1974) filmlarida suratga tushadi. uning haqiqiy muvaffaqiyati Altman kult filmi "Nashville" (1975)dan keyin boshlandi. Rejissyorning yana bir ishi — "3 Women" (1977) dramasidagi roli uchun u Kannen kinofestivalining "Eng yaxshi aktrisa" mukofotini qo'lga kiritdi va bosh roldagi eng yaxshi aktrisa nominatsiyasida BAFTA mukofotiga sazovor bo'ldi. O'sha yili u Vudi Allenning "Annie Hall" (1977) satirik romantik komediyasida ikkinchi darajali rolni ijro etdi va "Saturday Night Live" ko'rsatuviga boshlovchilik qildi. 1980-yillarda Duvall bosh rollari bilan mashhur bo'ldi, jumladan Altmanning "Popeye" (1980) filimidagi Olive Oyl va Stenli Kubrikning "The Shining" (1980) qo'rqinchli filmidagi Vendi Torrans rollari unga katta shuhrat keltirdi. Shuningdek, u Terri Gilliamning "Time Bandits" (1981), "Frankenweenie" (1984) qisqa metrajli qora komediyasida va boshqa loyihalarda qatnashgan.