Shane Gillis

Shane Michael Gillis (1987-yil, 11-dekabr) — amerikalik stendapchi, aktyor va podkaster. U 2012-yildan buyon komediya janrida ijod qilib keladi. 2016-yilda Matt McCusker bilan birgalikda „Matt and Shane's Secret Podcast“ podkastini yo‘lga qo‘ygan. 2019-yilda „Saturday Night Live“ shousiga qabul qilingan, biroq keyinchalik mojaroli vaziyatlar tufayli loyihani tark etgan. 2020-yilda „Gilly & Keeves“ onlayn sketch-serialini suratga olgan. 2023-yilda Netflixda „Shane Gillis: Beautiful Dogs“ nomli shousi namoyish etilgan. Shuningdek, 2024-yilda chiqarilgan „Tires“ komediya serialining hammuallifi va bosh rol ijrochisi hisoblanadi.