Shabana Azmi

Shabana Azmi (1950-yil 18-sentabrda tug‘ilgan) — hindistonlik kino, televiden televideniye va teatr aktrisasi, shuningdek, ayollar huquqlari faoli va parlament a’zosi. Puna shahridagi Hindiston kino va televideniye institutini tamomlagan. U o‘z faoliyatini 1974-yilda "Ankur" filmi bilan boshlagan va tez orada hind kinosidagi chuqur mazmun va neorealizmga asoslangan "parallel kino" harakatining yetakchi aktrisalaridan biriga aylangan. Mamlakatning eng nufuzli aktrisalaridan biri sifatida e’tirof etilgan Azmi besh karra "Eng yaxshi aktrisa" Milliy kino mukofoti, oltita Filmfare mukofoti, ko‘plab xalqaro sovrinlar hamda Hindiston hukumatining yuqori davlat mukofotlari — Padma Shri va Padma Bhushan bilan taqdirlangan. U asosan o‘ziga xos va murakkab ayol obrazlarini gavdalantirishi bilan tanilgan, ko‘plab filmlari esa ilg‘or g‘oyalarni aks ettirgani uchun yuqori baholangan.