Selena Gomez

Selena Marie Gomez (1992-yil, 22-iyul, Texas, AQSH) — amerikalik qo'shiqchi, aktrisa va prodyuser. Pop-madaniyatning yetakchi namoyandalaridan biri hisoblangan Gomez Kann kinofestivalining "Eng yaxshi aktrisa" mukofoti, Screen Actors Guild mukofoti, faxriy Latin Grammy mukofoti sohibasi, shuningdek, Grammy, Emmy, Oltin globus va BAFTA mukofotlariga ko'p marotaba nomzod bo'lgan. U faoliyatini 2002-yildan bolalar uchun mo'ljallangan "Barney & Friends" serialida boshlagan. 2007–2012-yillarda Disney kanalining "Wizards of Waverly Place" serialidagi Aleks Russo roli unga katta shuhrat keltirgan. 2021-yildan buyon u Hulu/Disney+ kanalida efirga uzatilayotgan "Only Murders in the Building" komediya serialida suratga tushmoqda. Gomez shuningdek, "Another Cinderella Story", "Princess Protection Program", "Ramona and Beezus", "Monte Carlo", "Spring Breakers", "The Fundamentals of Caring", "The Dead Don't Die", "A Rainy Day in New York" hamda "Emilia Pérez" kabi filmlarda rollar ijro etgan. "Hotel Transylvania" animatsion franshizasida Mavis obrazini dublyaj qilgan. Netflixning "13 Reasons Why" serialida ijrochi prodyuser sifatida ishtirok etgan.