Biografiya
Seidi Helena Alexandra Haarla (1984-yil 1-yanvarda tug'ilgan) — finlyandiyalik aktrisa. U Juho Kuosmanenning “Compartment No. 6” (2021) filmidagi bosh rol ijrochisi. O'zining ijro mahorati bilan “European Film Promotion” (EFP) tashkilotining “Shooting Stars” mukofotiga sazovor bo'lgan. Janubiy Finlyandiyaning Kirkkonummi shahrida san'atkorlar oilasida tug'ilgan. 2005-yilda Sankt-Peterburgdagi Rossiya Davlat sahna san'ati institutida, 2015-yilda esa Xelsinki San'at universitetida tahsil olgan. Singlisi Ruusu Haarla bilan birgalikda “The Trauma Body” (2014) va “New Childhood” (2020) pyesalarini yozgan. 2021-yilda Rosa Liksomning romani asosida suratga olingan “Compartment No. 6” dramasida Laura rolini ijro etib, tanqidchilar olqishiga sazovor bo'ldi.
