Sebastian Stan

Sebastian Stan (1982-yil 13-avgustda tugʻilgan) — ruminiyalik va amerikalik aktyor hamda prodyuser. U Marvel kinematografiya koinotidagi “Captain America: The First Avenger” (2011) filmidan boshlangan Bucky Barnes / Winter Soldier roli orqali tanilgan, shuningdek, Disney+ telekanalining “The Falcon and the Winter Soldier” (2021) miniseriali va “Thunderbolts*” (2025) filmida bosh rolni ijro etgan. Televideniyeda Stan “Gossip Girl” (2007–2010) serialida Carter Baizen, “Once Upon a Time” (2012) serialida Mad Hatter rollarini oʻynagan va “Political Animals” (2012) miniserialida suratga tushgan. 2022-yilda Hulu telekanalining “Pam & Tommy” miniserialida Tommy Lee rolini mahorat bilan ijro etib, tanqidchilar eʼtirofiga sazovor boʻlgan hamda Primetime Emmy va Golden Globe mukofotlari nominatsiyalarini qoʻlga kiritgan. Broadway sahnasida Eric Bogosianing “Talk Radio” (2007) va William Ingening “Picnic” (2013) spektakllarida qatnashgan. Kinoda esa Stan “The Martian” (2015) filmida ikkinchi darajali rolni ijro etgan, shuningdek, “I, Tonya” (2017) va “Fresh” (2022) filmlarida bosh rollarni oʻynagan. “A Different Man” (2024) filmidagi ijrosi uchun u “Eng yaxshi bosh rol” nominatsiyasida Kumush ayiq (Silver Bear) va Golden Globe mukofotlarini qoʻlga kiritgan. “The Apprentice” (2024) filmida yosh Donald Trump obrazini gavdalantirgani uchun esa Oskar mukofotining “Eng yaxshi aktyor” nominatsiyasiga nomzod boʻlgan.