Biografiya
Rejissyor va ssenariynavis. Taniqli jurnalist va teleboshlovchi Maurizio Costanzoning o'g'li. Rimdagi Sapienza universitetida kommunikatsiya sotsiologiyasi bo'yicha tahsil olgan. Radio boshlovchisi va ssenariynavis sifatida tajriba orttirgandan so'ng, 90-yillarning oxirida Nyu-Yorkka ko'chib o'tib, operator va rejissyor yordamchisi bo'lib ishlagan, keyinroq hujjatli filmlar suratga olgan. 2001-yilda Mario Gianani bilan birgalikda "Offside" kinostudiyasini ochgan. Uning 2004-yilda suratga olgan "Private" filmi xalqaro miqyosda e'tirof etilib, Lokarno kinofestivalida "Oltin leopard" va boshqa mukofotlarga sazovor bo'lgan, shuningdek, 2005-yilda "Eng yaxshi yosh rejissyor" nominatsiyasida "David di Donatello" mukofotini olgan. 2007-yilda Berlin kinofestivalida "In memoria di me" filmi bilan qatnashgan. 2009-yilda Paolo Jordanoning "The solitude of prime numbers" romani asosida film suratga olish huquqini qo'lga kiritgan.
