Sangeeta Krishnasamy

Sangeeta Krishnasamy (1985-yil, 12-oktabr) — malayziyalik aktrisa, model va boshlovchi. Hind millatiga mansub. Venkat Prabxuning "Goa" filmidagi ko‘rinishidan so‘ng, Janubiy Hindiston kinosida kichik rollarni ijro etgan. 2015-yilda Malayziyaning "Vetti Pasanga" va "Vennira Iravugal" tamil filmlarida bosh rolni ijro etgan. "Vennira Iravugal" Yevropa kinofestivallarida namoyish etilib, 2014-yili Norvegiya Tamil kinofestivalida hakamlar hay’atining maxsus mukofotiga sazovor bo‘lgan va 2015-yilda Malayziya Kalai Ulagam mukofotlarida barcha 5 ta yo‘nalish bo‘yicha g‘olib bo‘lgan. U Malayziya kino sanoatining yetakchi aktrisalaridan biri sanaladi. Aktrisa 2015-yilda Kalai Ulagam mukofotlarida "Eng yaxshi aktrisa" nominatsiyasida g‘olib bo‘lgan. "Adiwiraku" (FFM 29) filmidagi roli uchun 2017-yilda "Eng yaxshi aktrisa" mukofotini olgan va malay tilidagi ilk debyutidayoq katta muvaffaqiyatga erishib, Anugerah Skrin va Kuala-Lumpur kino tanqidchilari mukofotini ham qo‘lga kiritgan birinchi hind millatiga mansub aktrisa bo‘lgan.