Sandro

Roberto Sánchez-Ocampo (1945-yil 19-avgust — 2010-yil 4-yanvar), Sandro yoki Sandro de América sahnas nomlari bilan mashhur bo‘lgan argentinalik qo‘shiqchi va aktyor. U Lotin Amerikasida ispan tilida qo‘shiq kuylagan ilk rok ijrochilaridan biri sifatida Argentina roki asoschisi deb e'tirof etiladi. Boshqa manbalarda uning sotuvi 22 million nusxadan oshgani aytilsa-da, u 52 ta rasmiy albom chiqarib, sakkiz million nusxada plastinka sotgan. «Rosa, Rosa» singli ikki million nusxada sotilib, uning eng mashhur va tanilgan taronasiga aylangan. Uning yana bir xit qo‘shig‘i «Tengo» MTV va Rolling Stone jurnali tomonidan tuzilgan Argentina rokining eng yaxshi 100 ta qo‘shig‘i ro‘yxatida 15-o‘rinni egallagan. Lotin Amerikasida uni ko‘pincha shon-shuhrat cho‘qqisidagi Elvis Presley bilan solishtirishgan.