Biografiya
Samuel Eto'o (1981-yil 10-martda tug‘ilgan) — kamerunlik sobiq professional futbolchi, hujumchi. U o‘z davrining eng yaxshi hujumchilaridan biri va barcha davrlarning eng buyuk afrikalik futbolchilaridan biri hisoblanadi. To‘rt marta (2003, 2004, 2005, 2010) «Afrikada yilning eng yaxshi futbolchisi» deb topilgan. 16 yoshida «Real Madrid» jamoasiga qo‘shilgan, keyinchalik «Mallorca»da 70 ta gol urib, o‘zini ko‘rsatgan. 2004-yilda «Barcelona»ga o‘tib, 5 mavsumda 130 ta gol urgan va klub bilan ikki marta UEFA Chempionlar ligasi g‘olibi bo‘lgan (ikkala finalda ham gol urgan). 2009–2010-yilgi mavsumda «Inter» tarkibida ketma-ket ikki marta Yevropa treblini qo‘lga kiritgan birinchi futbolchiga aylangan.
