Samantha Ruth Prabhu

Samantha Ruth Prabhu — hind aktrisasi va prodyuseri. U asosan telugu va tamil tillaridagi kinolarda, shuningdek, hind tilidagi striming loyihalarida faoliyat yuritadi. 1987-yil 28-aprelda Madrasda (hozirgi Chennay) tug‘ilgan. Aktrisa faoliyatini 2010-yilda Gautham Vasudev Menonning "Ye Maaya Chesave" romantik dramasi bilan boshlab, darhol tanilgan va "Filmfare" mukofotiga sazovor bo‘lgan. U Janubiy Hindiston kinosining eng muvaffaqiyatli aktrisalaridan biriga aylandi. 2012-yilda u bir kalendar yili ichida ham Tamil, ham Telugu tillaridagi filmlari uchun "Eng yaxshi aktrisa" yo‘nalishida "Filmfare" mukofotini qo‘lga kiritgan tarixdagi ikkinchi aktrisa bo‘ldi. U "Dookudu", "Seethamma Vakitlo Sirimalle Chettu", "Attarintiki Daredi", "Kaththi", "Manam", "Theri", "24", "A Aa", "Mersal", "Rangasthalam", "Mahanati", "Super Deluxe", "Majili" va "Oh! Baby" kabi ko‘plab kassabop filmlarda bosh rollarni ijro etgan.