Samantha Morton

Samantha Jeyn Morton (1977-yil, 13-mayda tug'ilgan) — ingliz aktrisasi. U asosan qorong'u va fojiali mavzudagi mustaqil filmlar, ayniqsa tarixiy dramalardagi rollari bilan tanilgan. "BAFTA", "Oltin globus" mukofotlari sovrindori, ikki karra "Oskar" mukofotiga nomzod bo'lgan. Nottingham'dagi Central Junior Television Workshop'da tahsil olgan va faoliyatini 1991-yilda britan televideniyesida boshlagan. "Band of Gold" (1995–1996) va "The History of Tom Jones: a Foundling" (1997) seriallarida suratga tushgan. Ilk film rollari qatoriga "Emma" (1996), "Jane Eyre" (1997) va "Under the Skin" (1997) kiradi. "Sweet and Lowdown" (1999) va "In America" (2003) filmlaridagi rollari uchun "Oskar" nominatsiyalarini qo'lga kiritgan. Shuningdek, "Minority Report" (2002), "Control" (2007) va "Fantastic Beasts and Where to Find Them" (2016) kabi taniqli filmlarda rol o'ynagan. 2009-yilda "The Unloved" telefilmi orqali rejissyorlik debyutini qilgan.