S. S. Rajamouli

Koduri Srisaila Sri Rajamouli — hindistonlik kinorejissyor va ssenariynavis. Telugu kinosidagi epik, jangari va fentezi janridagi filmlari bilan tanilgan hind kinosidagi eng sermahsul va eng ko'p haq oluvchi rejissyorlardan biri. U ko'plab milliy va xalqaro mukofotlar, jumladan, «Padma Shri» davlat mukofoti sohibi. 2023-yilda «Time» jurnalining dunyodagi eng nufuzli 100 kishi ro'yxatiga kiritilgan. Uning «Baahubali: The Beginning» (2015), «Baahubali 2: The Conclusion» (2017) va «RRR» (2022) filmlari Hindiston tarixidagi eng kassabop loyihalar qatoridan joy olgan.