RZA

Robert Fitzgerald Diggs (1969-yil 5-iyulda tug'ilgan), ijodiy nomi RZA yoki The RZA bilan tanilgan. Amerikalik Grammy mukofoti sovrindori, musiqiy prodyuser, ko'p cholg'uli sozanda, yozuvchi, reper, aktyor, rejissyor va ssenariynavis. Xip-xop olamida nufuzli shaxs, Wu-Tang Clan guruhining amalda yetakchisi. Guruhning deyarli barcha albomlari, shuningdek, yakkaxon va hamkorlikdagi ko'plab loyihalari prodyuseri hisoblanadi. Xip-xop tarixidagi eng nufuzli prodyuserlardan biri sifatida e'tirof etiladi. Bobby Digital taxallusi ostida yakkaxon albomlar chiqargan. Shuningdek, Gravediggaz horrorcore-rep guruhining asoschilaridan biri bo'lib, unda The Rzarector nomidan foydalangan. Aktyor sifatida "Coffee and Cigarettes", "American Gangster", "Gospel Hill", "Life Is Hot in Cracktown", "Ghost Dog", "Funny People", "Derailed", "Due Date" va "Repo Men" kabi filmlarda suratga tushgan. 2008-yilda About.com tomonidan barcha davrlarning eng yaxshi xip-xop prodyuserlari ro'yxatida to'rtinchi o'rinni egallagan.