Ruta Gedmintas

Ruta 1983-yil 23-avgustda tug‘ilgan. Stokgolm va Bukingemshirda o‘sgan. Litvalik ota-onadan Angliyada tug‘ilgan Ruta Londondagi Drama markazida Reuven Adiv qo‘l ostida tahsil olgan. U "Spooks: Code 9" serialida sobiq politsiyachi Reychel Xarris rolini o‘ynagan. Shuningdek, BBCning "Waking the Dead" va ITV1ning "The Bill" seriallarida kichik rollarni ijro etgan. Uning eng mashhur roli Showtime kanalining "The Tudors" serialidagi Elizabet Blaunt hisoblanadi. 2010-yilda "Zerosome" va "Atletu" (yoxud "The Athlete") mustaqil filmlarida suratga tushgan, so‘ngra BBC Three kanalining "Lip Service" serialida Frenki rolini o‘ynagan. 2013-yil 31-yanvarda NBC kanalining "Do No Harm" serialida asosiy qahramon Olviya Flinn sifatida debyut qilgan.