ROSÉ

Roseanne Park (1997-yil 11-fevral) — Janubiy Koreyada faoliyat yurituvchi koreys-yangi zelandiyalik qo‘shiqchi va raqqosa. Yangi Zelandiyada tug‘ilib, Avstraliyada o‘sgan Rosé 2012-yilda YG Entertainment tanlovidan muvaffaqiyatli o‘tib, to‘rt yillik stajirovkadan so‘ng 2016-yil avgustida Blackpink guruhi tarkibida debyut qilgan. 2021-yil martida «R» albomi bilan yakkaxon faoliyatini boshlagan. Uning «On the Ground» singli xalqaro miqyosda katta muvaffaqiyat qozonib, Billboard Global 200 chartida birinchi o‘rinni egallagan hamda ikki marta Ginnes rekordlar kitobiga kirgan. 2024-yilda The Black Label bilan shartnoma imzolagan. Rosé, shuningdek, Yves Saint Laurent brendining global elchisi hisoblanadi va 2021-yilda Met Gala tadbirida qatnashgan ilk koreyalik ayol san'atkordir.