Roberto Gómez Bolaños

U bor-yo‘g‘i 1,68 metr bo‘yli inson edi. Biroq ispan tilida so‘zlashuvchi hududlar va Lotin Amerikasining eng kulgili komiklaridan biri hisoblanadi. Roberto Gomes Bolanos (1929-yil 21-fevral – 2014-yil 28-noyabr) – ko‘proq Chesperito taxallusi bilan tanilgan meksikalik ssenariychi, aktyor, komik, kino va televideniye rejissyori, dramaturg, qo‘shiq muallifi hamda yozuvchi. U XX asrning eng muhim ispan tilidagi komiklaridan biri sifatida e’tirof etiladi. U o‘zi ssenariy yozgan, rejissyorlik qilgan va bosh rolni ijro etgan "Chespirito" (1968), "El Chavo del Ocho" (1971) hamda "El Chapulín Colorado" (1972) teleseriallari orqali xalqaro miqyosda shuhrat qozongan. El Chavo obrazi ispan tilidagi televideniye tarixidagi eng mashhur personajlardan biri bo‘lib, "El Chavo del Ocho" bugungi kunda ham ulkan mashhurlikka ega va uning har bir qismini butun dunyo bo‘ylab har kuni o‘rtacha 91 million kishi tomoshabin kuzatib boradi.